15:00
23 İyun 2020

“Real” bu oyundan imtina etmək istəyir - SƏBƏB


Koronavirus pandemiyası üzündən dayandırılan futbol üzrə Çempionlar Liqasının bərpası narazılıqlarla müşayiət olunur.

Apasport.az saytının məlumatına görə, 1/8 finalda “Mançester Siti”nin qonağı olacaq İspaniyanın “Real” klubu İngiltərədəki səfər oyununa getmək istəmir.

Madrid təmsilçisi cavab oyununun neytral meydanda keçirilməsini təklif edir. “Real” rəhbərliyi bunu koronavirus pandemiyası üzündən İngiltərədəki durumun ürəkaçan olmaması ilə izah edir. Futbolçu və əməkdaşlarının sağlamlığı üçün ehtiyat edən ispaniyalılar neytral meydan üçün ən münasib variantın Portuqaliya paytaxtı Lissabon olduğunu düşünür.

Qeyd edək ki, “Mançester Siti” – “Real” oyunu avqustun 7-də keçirilməlidir.

Dİgər xəbərlər