1778
05:32
02 May 2020

Kim Çen Inın ölüm xəbəri yalan çıxdı

Şimali Koreya lideri Kim Çen In 20 gün ərzində ilk dəfə ictimaiyyət qarşısına çıxıb.

APA-nın RİA Novosti-yə istinadən verdiyi məlumata görə, bu barədə Cənubi Koreyanın “Ryonhap” xəbər agentliyi məlumat yayıb.

Kim Çen Inın aprelin 30-da Sunçxonda gübrə zavodunun açılışında iştirak etdiyi bildirilib.

Qeyd edək ki, Şimali Koreya liderinin aprelin 12-dən bəri heç bir tədbirdə iştirak etməməsi onun səhhəti ilə bağlı problemlərin olması barədə müxtəlif şaiyələrin yayılmasına səbəb olmuşdu.

Cənubi Koreyanın “Daily NK” nəşrinin Kim Çen Inın əməliyyatdan sonra müalicəsini davam etdirməsi barədə yaydığı məlumatdan sonra sosial şəbəkələrdə onun sağlamlığının təhlükə altında olduğu vurğulanırdı.

CNN telekanalı, Yaponiyanın həftəlik “Sukang Gendai” nəşri və digər media qurumları anonim mənbələrə istinad edərək, hətta onun öldüyünü iddia edirdilər.