661
19:58
30 Noyabr 2019

Polis soyğunçuluqdan zərərçəkənlərə müraciət etdi 

Noyabrın 29-da DİN-in “102” Zəng Mərkəzinə müraciət edən əcnəbi vətəndaş
Səbail rayonu ərazisində pulqabısının oğurlanmasını bildirib.

DİN-in Mətbuat Xidmətindən Lent.az -a verilən xəbərə görə, müraciətlə əlaqədar dərhal Səbail RPİ-nin 9-cu Polis Bölməsinin əməkdaşları tərəfindən müvafiq tədbirlər həyata keçirilib.

Müəyyən edilib ki, zərərçəkmişi itələyən şəxslər içində 500 manatı olan pulqabısını arxa cibindən götürərək aradan çıxıblar.

Dərhal başlanılan əməliyyat-axtarış tədbirləri ilə soyğunçuluğu törətməkdə şübhəli bilinən 2 nəfər qısa müddətdə müəyyən edilərək polis əməkdaşları tərəfindən saxlanılıblar.

Araşdırmalarla onların paytaxt ərazisində kirayədə yaşayan Şəmkir rayon sakini, əvvəllər
məhkum olunmuş Şirxan Muxtarov və Pirallahı rayon sakini İlyas Sultanov olduqları
müəyyən edilib.

Faktla bağlı Səbail RPİ-nin İstintaq şöbəsində araşdırma aparılır.

Bu şəxslərin əməllərindən zərərçəkən başqa vətəndaşlar da varsa bu barədə

DİN-in “102” Xidmətinə, həmçinin ərazi üzrə polis idarə, şöbə və ya bölmələrinə
müraciət edə bilərlər.