Azərbaycanlı müğənninin evindən oğurluq edən tapıldı
12 noyabr 2019 17:47 (UTC +04:00)

Azərbaycanlı müğənninin evindən oğurluq edən tapıldı

Azərbaycanlı müğənni Vüqar Muradov polisə təşəkkür edib.

Daxili İşlər Nazirliyindən Lent.az-a verilən məlumata görə, müğəninin evindən oğurluq edən şəxs tapılıb. İfaçı bildirib ki, oğurluğu evinə gələn usta edibmiş:

“Kombi ustası evimdən 3500 manat pulumu oğurlayıb. Pulumu hər zaman evdə istilik sisteminin arxasında saxlayırdım. Dünən səhər bizə gəldi, kombini düzəldib getdi. Yatmışam, ağlıma gəlməyib. O da pulu oradan götürüb gedib. Zəng vurdum ki, qardaş, heç kim bilməyəcək, öz xoşluğunla pulumu gətir qaytar. Mənimlə elə danışdı ki... Dedim, dünən yox, o biri gün oradan 2500 manat pul götürmüşəm, dünən səhər də evə sən gəlmisən. Atama maşın almağa gedirdim. Əlimi atdım ki, pulu götürüm, gördüm, yoxdur”.

Müğənni bildirib ki, aidiyyəti üzrə Binəqədi rayon 6-cı polis bölməsinə müraciət edib. "Polislər qısa zamanda oğrunu tapdılar və pulu mənə qaytardılar. Başda general-polkovnik Vilayət Eyvazov olmaqla bütün DİN rəhbərliyi və əməkdaşlarına təşəkkür edirəm".

Qeyd edək ki, hadisə noyabrın 8-də baş verib və bu barədə ilk məlumatı Lent.az yayıb.

ttps://lent.az/news/330972

# 1320
avatar

Mehman Nəbiyev

Oxşar yazılar