Sayğacların kartlarının verilməsi prosesində növbələr yaranıb

Bu gün 2 saylı “ASAN Kommunal” mərkəzində smart kart tipli sayğacların kartlarının verilməsi prosesində növbələr yaranıb.

Bu barədə Lent.az -a Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən (İB) məlumat verilib.

Məlumata görə, bunu nəzərə alaraq birliyin rəhbərliyi problemin operativ həlli ilə bağlı müvafiq tapşırıqlar verib. Beləliklə, bu gündən Bakı Regional Qazın Satışı Departamentinin bir qrup işçisi Mərdəkan, Maştağa və Xırdalan xidmət sahələrinə cəlb olunub və həmin yerlərdə fəaliyyət bərpa edilib. Hətta 2 saylı “ASAN Kommunal”dan uyğun istiqamətlər üzrə abonentlərin aparılması üçün nəqliyyat vasitələri də ayrılıb.

Xatırladaq ki, bu həftənin əvvəlindən “ASAN Səyyar” xidmətinin təşkili ilə bağlı Maştağa, Mərdəkan və Xırdalan xidmət sahələrində çalışan mühəndis heyəti 7 istiqamət üzrə rayonlara ezam olunub.