2024-cü ildə buraxılması planlaşdırılan "Apple iPhone 16 Pro" metal çərçivəli akkumulyator alacaq. Onun "iPhone 15 Pro"ya nisbətən tutumu cəmi 81 mAh artırılacaq.
Lent.az xəbər verir ki, bu barədə Çin nəşri "Kuai Technology News" portalı dərc edib.
Sızdırılan görüntülərə görə, "iPhone 16 Pro" batareyası ənənəvi folqa əvəzinə möhkəm metal çərçivəyə sahib olacaq. Fotolarda 3355 milliamper/saat tutumu və 4,48 V-a qədər doldurma gərginliyi də daxil olmaqla akkumulyatorun xüsusiyyətləri də əks olunub. Belə çıxır ki, yeni smartfonun tutumu "iPhone 15 Pro" (3274 milliamper/saat) ilə müqayisədə cəmi 2,5 faiz artacaq.
Portal qeyd edib ki, metal çərçivənin məqsədi hələ aydın deyil, lakin onun istilik yayılmasını yaxşılaşdıra biləcəyi güman edilir. Bu, xüsusilə "iPhone 15" seriyalı smartfonların həddindən artıq istiləşməsi ilə bağlı problemləri nəzərə alsaq, olduqca aktualdır.
"Apple"ın "iPhone 16 Pro"nu 2024-cü ilin payızında təqdim edəcəyi gözlənilir.
Məlumata görə, "iPhone 16 Pro" və "iPhone 16 Pro Max" altı qat optik zumlu periskop kameraları, xüsusi bərk vəziyyətdə səs səviyyəsi düymələri və ekranın altındakı "Face ID" xüsusiyyətinə sahib olacaq. Üstəlik, bunlar "Apple" tarixində ən böyük smartfonlar olacaq: "iPhone 16 Pro" və "16 Pro Max" müvafiq olaraq 6,3 və 6,9 düym diaqonallı ekranlara sahib olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
