Tıxaclar mühərriki öldürür - Avtomobili necə qorumaq olar?

Gündəlik tıxaclarda dayanmaq avtomobilinizin mühərriki üçün görünməz, lakin təhlükəli bir təhdidə çevrilə bilər.

Lent.az xəbə verir ki, yavaş sürüş hər nə qədər təhlükəsiz görünsə də, əslində mühərrikdə zərərli proseslər silsiləsini işə salır.

Tıxacların görünməz ziyanı

Daimi hərəkətə başlama, mühərrikin boş yerə işləməsi və tıxaclarda oksigen çatışmazlığı yanacağın tam yanmamasına səbəb olur. Nəticədə mühərrikdə qurum və his toplanır. Bu maddələr şamlar, klapanlar və silindrlərin divarlarında çökərək zamanla metala zərər verir və mühərrikin aşınmasını sürətləndirir. Bundan əlavə, tərkibi egzoz qazları ilə zəngin olan sıx şəhər havası katalitik neytrallaşdırıcının (katalizatorun) effektivliyini azaldır, çünki o, lazımi 350°C temperaturuna çata bilmir. Bu isə onun tıxanmasına, həddindən artıq qızmasına və hətta keramik hüceyrələrin dağılmasına səbəb ola bilər.

Mühərrik və yağ – ikiqat zərbə altında

Boş rejimdə işləmə mühərrik yağını da mənfi təsirlərə məruz qoyur. Yanmamış yanacaq qalıqları və həddindən artıq qızma nəticəsində yağ daha tez öz viskozluğunu və qoruyucu xüsusiyyətlərini itirir. Bu isə yağ kanallarının tıxanmasına, mühərrikin qızmasına və turbinin sıradan çıxmasına səbəb ola bilər.

Yağ xaricdən təmiz görünsə də, gündəlik tıxaclarda cəmi bir neçə həftə ərzində qoruyucu xüsusiyyətlərini tamamilə itirə bilər.

Şəhər hərəkəti şəraitində mühərriki necə qorumaq olar?

Mühərrik yağını təyin olunmuş müddətdən daha tez-tez dəyişin
Şəhər tıxaclarında mühərrik daha çox yüklənir, bu isə yağın tez xarab olmasına səbəb olur. Ona görə də yağ dəyişmə intervalını qısaltmaq tövsiyə olunur.
Yüksək termiki dayanıqlığa malik yağlardan istifadə edin
Belə yağlar yüksək temperaturda da öz qoruyucu xüsusiyyətlərini saxlayır və mühərriki etibarlı şəkildə qoruyur.
Soyutma sisteminin vəziyyətini mütəmadi olaraq yoxlayın
Radiator, antifriz və ventilyatorların düzgün işləməsi mühərrikin həddindən artıq qızmasının qarşısını alır və onun ömrünü uzadır.

· Antifrizi vaxtında dəyişin və radiatoru təmizləyin
Köhnəlmiş antifriz və tozlanmış radiator soyutma qabiliyyətini azaldır, bu isə mühərrikin qızmasına səbəb ola bilər. Müntəzəm qulluq vacibdir.

· Az sürsəniz belə, texniki baxış qrafikinə əməl edin
Avtomobilin az istifadə olunması onun texniki xidmətə ehtiyac duymadığı anlamına gəlmir. Yağlar, mayelər və detallarda zamanla dəyişikliklər baş verir