Ben Afflek ilk dəfə Lopezdən boşanmasının səbəbini AÇIQLADI

Hollivud aktyoru Ben Afflek müğənni Cennifer Lopezlə evliliklərinin bitməsi barədə ilk dəfə danışıb.

Lent.az xarici mediaya istinadən xəbər verir ki, cütlük bu ilin əvvəlində rəsmi şəkildə boşanıb. Bir neçə ay sonra isə Ben bu münasibətlə bağlı təfərrüatları açıqlamağa qərar verib.

Aktyorun sözlərinə görə, o, keçmiş həyat yoldaşına qarşı heç bir kin saxlamır və onlar sakit şəkildə vidalaşıblar. Hətta böhranlı dövrdən bir qədər əvvəl Afflek Lopezin layihələrinə də qatılıb. Xüsusilə də, müğənninin “Heç vaxt danışılmayan ən böyük sevgi hekayəsi” adlı filminin çəkilişləri zamanı aktyor anladığını bildirib ki, onun xarakteri “daha sakit və təmkinlidir”, Lopez isə onun tam əksidir.

Aktor qeyd edib ki, ayrılığın səbəbləri əslində bir çox cütlüklərin yaşadığı ümumi problemlərlə bağlıdır. Lakin konkret nə baş verdiyini açıqlamayıb. Yalnız onu vurğulayıb ki, bu, bir-birlərinə marağın itməsi ilə bağlı ola bilər.

“Bu insanı həqiqətən çox hörmətlə qarşılayıram. Düşünürəm ki, insanlar ayrılığa baxanda, səbəbləri və təfərrüatları öyrənmək istəyirlər. Lakin həqiqət çox daha adi və sadədir, insanların təsəvvür etdiyindən uzaq. Burada nə qalmaqal, nə serialvari intriqa, nə də böyük bir sirr var. Sadəcə iki insanın həyatını və münasibətlərini anlamağa çalışmasının bir hekayəsidir. Və yaşınız artdıqca – mənimlə olduğu kimi – anlayırsınız ki, əksər hallarda “filankəs bunu etdi” ya da “böyük bir hadisə baş verdi” kimi səbəblər olmur. Bu barədə daha çox danışmaq istəmirəm, çünki bu məni narahat və kövrək hiss etdirir”.