Neft gəlirləri azalır

Neftin qiyməti 50 dollar olduğu şəraitdə BP-nin operatoru olduğu layihələrdən Azərbaycanın illik gəliri təxminən 8,35 milyard dollar olacaq

Bu ilin birinci yarısında “Azəri-Çıraq-Günəşli” yataqlar blokunun işlənməsi layihəsi üzrə əsaslı məsrəflər 488 milyon dollar təşkil edib. Bu müddət ərzində Bakı-Tbilisi-Ceyhana 38, “Şahdəniz”ə 204, Cənubi Qafqaz Boru Kəmərinə 1 milyon dollar sərmayə qoyulub.

“BP-Azərbaycan” şirkətindən Lent.az-a bildiriblər ki, ötən yarım ildə sosial təşəbbüslərin dəstəklənməsinə ümumilikdə 1,87 min dollar xərclənib. Hazırda şirkətdə 1,954 nəfər Azərbaycan vətəndaşı çalışan çalışır. Daimi işçilərin 82 faizi yerli kadrlardır.

Şirkətdən verilən məlumatda bildirilir ki, ötən il BP-nin operatoru olduğu layihələrdən Azərbaycan dövlətin ümumi gəliri 16,3 milyard dollardan çox olub. Bu il isə neftin bir barelinin 50 dollar olduğu şəraitdə BP-nin operatoru olduğu layihələrdən Azərbaycanın ümumi gəliri təxminən 8,35 milyard dollar olacağı proqnozlaşdırılıb.

Elxan SALAHOV