Bakıda ilk dəfə mexaniki ekskalatorlu keçid tikilir
30 iyun 2009 20:30 (UTC +04:00)

Bakıda ilk dəfə mexaniki ekskalatorlu keçid tikilir

Yerüstü piyada keçidi yaxın iki ay ərzində istifadəyə veriləcək

“Azadlıq” prospektində daha bir yerüstü piyada keçidi tikilir. May ayında inşasına başlanmış yeraltı keçid indiyədək tikilmiş keçidlərlə müqayisədə bir çox parametrlərinə görə fərqlənəcək.

“Azəryolservis” ASC-nin mətbuat xidmətinin rəhbəri Pünhan Mürsəliyev Lent.az-a bildirib ki, piyada keçidin hər iki tərəfində ilk dəfə olaraq, mexaniki eskalator quraşdırılacaq. Bu isə o deməkdir ki, eskalator adi qaydada fəaliyyət göstərməyəcək və yalnız piyada eskalatora yaxınlaşdığı təqdirdə bu qurğu işə düşəcək.

Pünhan Mürsəliyev deyib ki, keçidin tikildiyi yerdə betonlaşdırma işləri və kommunikasiya xətlərinin köçürülməsi artıq başa çatıb. Yaxın günlərdə montaj işlərinə start veriləcək. Onun sözlərinə görə, uzunluğu 60, eni 5, hündürlüyü isə 5,1 metr olan piyada keçidinin yaxın ay ərzində istifadəyə verilməsi planlaşdırılır.

Elxan SALAHOV
# 731

Oxşar yazılar