Dünya çempionu Argentina millisinin və Amerikanın "İnter Mayami" klubunun 37 yaşlı hücumçusu Lionel Messi 40 yaşında karyerasını bitirən "Barselona"nın və İspaniya millisinin keçmiş yarımmüdafiəçisi Andres İnyestaya müraciət edib.
“Mənim ən sehrli yoldaşlarımdan biri, onunla oynamağı ən çox sevirdim. Top sənin üçün darıxacaq, biz də sənin üçün darıxacağıq. Sənə ən yaxşısını arzulayıram, sən unikalsan”, - Lent.az-ın xarici mediaya istinadən məlumatına görə, Messi sosial şəbəkədə yazıb.
Andres İnyesta 1996-2018-ci illərdə “Barselona” sistemində olub, əsas komandada 674 oyunda iştirak edib, 57 qol vurub və 136 məhsuldar ötürmə verib.
O, 9 dəfə İspaniya çempionu, 6 dəfə ölkə kubokunun qalibi, 4 dəfə Çempionlar Liqasının qalibi olub. İspaniya millisinin üzvü kimi İnyesta dünya çempionu və ikiqat Avropa çempionu olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
