Havanı təmizləyən ən yaxşı ev bitkisi

NASA mütəxəssisləri toksinləri effektiv şəkildə udan və havanı təmizləyən bitkini müəyyən ediblər. ABŞ-dan olan tədqiqatçılar “Təmiz Hava” proqramı çərçivəsində kosmik stansiyalarda havanın təmizlənməsi yollarını araşdırıblar. NASA əməkdaşlarının apardığı təcrübədə 19 müxtəlif otaq bitkisi iştirak edib və birinci yeri bambuk tutub. Bu bitki yalnız havanı təmizləmir, həm də böyük miqdarda zərərli maddələri məhv edir, bu isə insanın ümumi vəziyyətinin yaxşılaşmasına kömək edir.

Lent.az bu bitki növlərini sizə təqdim edir:

Maksimum effekt üçün nə etmək lazımdır?

Mütəxəssislər 30 kvadrat metrə 2-3 ədəd bitki yerləşdirməyi tövsiyə edirlər. Bu, havanın keyfiyyətinin insan sağlamlığına birbaşa təsir göstərməsi ilə izah olunur. Xüsusilə bambuk, rahatlaşdırıcı və təmizləyici xüsusiyyətləri sayəsində insanın əhvalını belə yüksəldə bilər.

Hava çirkliliyi haradan yaranır?

Araşdırmalar göstərir ki, əksər qapalı məkanlarda hava 90%-ə qədər çirklənmiş ola bilər – bunun əsas səbəbi toz və məişət kimyəvi maddələrindən buxarlanmadır.
Bu vəziyyət xüsusilə uşaqlar, astma və allergiyası olan insanlar üçün ciddi təhlükə yaradır.

Bitkilərin sağlamlığa təsiri

Otaq bitkiləri havanı təmizləyir

Stress və yorğunluğu azaldır

Yuxusuzluğa qarşı mübarizə aparır

Reproduktiv sağlamlığı dəstəkləyir

Depressiya və narahatlığa qarşı faydalıdır

Evdə harmoniya və təravət yaradır.