Azərbaycan – Türkiyə matçının biletləri satışda
15 sentyabr 2010 15:02 (UTC +04:00)

Azərbaycan – Türkiyə matçının biletləri satışda

Lent.az-ın AFFA-nın rəsmi saytına istinadən verdiyi məlumatına görə, oktyabrın 12-də Tofiq Bəhramov adına Respublika stadionunda baş tutacaq oyun üçün ən ucuz biletin qiyməti 3 manatadır.

Qalan biletləri sektorlardan asılı olaraq, 6 manata, 10 manata və 30 manata almaq olar. Biletləri əldə etmək istəyənlər “Park Bulvar” Ticarət Mərkəzindəki satış məntəqələrinə və AFFA-nın Marketinq və Reklamlar Departamentinə müraciət edə bilər.

Bilet satışı AFFA tərəfindən ilk dəfə Azərbaycan – Küveyt oyunu ərəfəsində tətbiq olunmuş yeni sistem əsasında həyata keçiriləcək. Bu sistem sayəsində azarkeşlər satış məntəqəsindəki monitorla baxmaqla bilet aldıqları sektordan meydançanın necə göründüyünü öyrənə biləcəklər.

Qeyd edək ki, Azərbaycan – Türkiyə matçı saat 20:00-da başlanacaq.
# 472

Oxşar yazılar