Limon və laym gündəlik rasionda tez-tez istifadə olunan sitrus meyvələridir. Onları suya, salatlara, marinadlara və desertlərə əlavə edirlər.
Bəs hansı daha faydalıdır və hansı məqsəd üçün daha uyğundurlar?
Lent.az xəbər verir ki, ilk baxışda onların fərqi yalnız rəngdədir. Lakin tərkiblərində müəyyən fərqlər var.
Tərkib və faydalı maddələr
Limon daha çox C vitamini, fol turşusu, kalium və B6 vitamini ehtiva edir. Laym isə daha yüksək sitrus turşusu, daha güclü aroma və bəzi mineralların azca çox miqdarı ilə seçilir.
Hər iki meyvə qidalılıq baxımından çox oxşardır, seçim isə məqsəddən asılıdır.
Kimlər üçün limon daha uyğundur?
Limon xüsusilə bu hallarda faydalıdır:
İmmunitetin dəstəklənməsi - C vitamini bərpanı sürətləndirir.
Dərinin və kollagenin qorunması - C vitamini kollagen sintezini stimullaşdırır.
Gündəlik maye qəbulunun artırılması - limonlu su içməyə motivasiya edir.
Limon xüsusilə körpəsini əmizdirən qadınlara, pəhrizi məhdud olan şəxslərə, xroniki xəstəliklərlə mübarizə aparanlara tövsiyə olunur.
Kimlər üçün laym daha uyğundur?
Laym bu məqsədlər üçün ideal seçimdir:
Ürək-damar sağlamlığı - yeməklərdə duzun əvəzinə istifadə oluna bilər.
Böyrək daşlarının profilaktikası - yüksək sitrus turşusu buna kömək edir.
Kulinariya təcrübələri - marinadlar, souslar və tərəvəz yeməklərinə kəskin dad qatır.
Kiçik bir laym 20–25 mq C vitamini və antioksidant flavonoidlər ehtiva edir.
Hansını seçmək?
Səhər tonusu və hidratasiya üçün: limonlu su
Marinad və güclü dad üçün: laym
Böyrəklər və həzm üçün: laym
Dəri və kollagen üçün: limon.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
