Azərbaycanda xəstəxanada ölən 27 yaşlı qadınla bağlı AÇIQLAMA - YENİLƏNİB

Sumqayıt şəhər Təcili Tibbi Yardım Xəstəxanası 27 yaşlı qadının ölümü ilə bağlı münasibət bildirib.

Xəstəxanadan Lent.az-a bildirilib ki, 27 yaşlı Yusifova Məryəm Qabil qızı 2022-ci il aprelin 4-də saat 23:30-da xəstəxanaya qəbul edilib:

"Qəbul zamanı xəstədə hər iki ağciyərin pnevmaniyası, ağciyərin vərəmi müşahidə olunurdu. Xəstə heç bir əməliyyat edilməyib. Qəbuldan 6 dəqiqə sonra xəstə dünyasını dəyişib. Ölümə ağciyər ödemi və ağciyər arteriyasının trombuemboliyasının səbəb olduğu ehtimal olunur.

Meyit Pataloji Anatomiya və Məhkəmə Tibbi Ekspertizaya təşrih üçün göndərilib. Ölümün səbəbi Pataloji Anatomiya və Məhkəmə Tibbi Ekspertizanın rəyindən sonra məlum olacaq".

***
06.04.2022

Saat: 18:40

Sumqayıtda gənc qadın əməliyyat zamanı ölüb.

Lent.az-ın məlumatına görə, hadisə Sumqayıt şəhər Təcili Tibbi Yardım Xəstəxanasında baş verib.

Xəstəliklə bağlı oraya gətirilən 27 yaşlı Yusifova Məryəm Qabil qızı əməliyyata götürülüb. Əməliyyat zamanı o, dünyasını dəyişib.

Faktla bağlı araşdırma aparılır.