Xanımların xəyanətindən sonra evlilikdə NƏ EDİLMƏLİDİR?

Xanımların xəyanətindən sonra evliliyi xilas etmək üçün məsləhətlər açıqlanıb.

Lent.az xarici KİV-ə istinadən xəbər verir ki, bu barədə mütəxəssis və yazıçı Colin Nolan danışıb.

O bildirib ki, 30 yaşlı anonim bir oxucu xanımının ona xəyanət etdikdən sonra münasibətləri xilas etmək üçün nə edəcəyini soruşub. Kişinin dediyinə görə, o, bu yaxınlarda öyrənib ki, seçdiyi xanım iş yoldaşını öpüb. Bu barədə xanımı etiraf edib. Qadın ərini hələ də sevdiyini və boşanmaq istəmədiyini iddia edir. Ancaq kişi kifayət qədər xanımından soyuduğunu açıqlayıb:

"Bilirəm ki, onlar bir yerdə yatmayıblar. Amma o, xətti keçdi. Və hələ də onun məni aldatdığını hiss edirəm. Əhval-ruhiyyəm daim dəyişir: bir dəqiqə düşünürəm ki, o qədər də pis deyil, növbəti dəqiqə isə buna görə əsəbiləşirəm və qəzəblənirəm".

Nolan qadının sərhədi keçdiyi ilə razılaşıb. Onun fikrincə, belə bir vəziyyətdə hisslərlə dərhal məşğul olmaq həqiqətən çətindir. Bundan sonra evliliyi xilas etmək mümkündür, lakin bunun üçün bir-birinizə hisslərinizi səmimi şəkildə söyləmək lazımdır.

Onun niyə başqa bir kişi ilə emosional yaxın olduğunu anlamaq lazımdır. Həm də aydın olmalısınız ki, əgər bu yenidən baş verərsə, ikinci şans olmayacaq. Dürüst olmaq və özünü evlilik üzərində işləməyə həsr etmək üçün indi qərar verməlidir. Nolan əmindir ki, qadın səhv edib, lakin bunu etiraf edib peşman olması artıq müsbət başlanğıcdır.