Yuxuda diş tökülməsi: Araşdırma nə deyir?

Dişlərin tökülməsi ilə bağlı yuxular uzun müddətdir pis bir əlamət, xəstəlik və ya digər çətinliklərdən xəbər verir.

Ancaq İsraildən olan tədqiqatçılar bu xurafatları təkzib edərək, bu tip yuxular üçün daha rasional izahat təklif ediblər.

Lent.az-ın xarici mediaya istinadla xəbərinə görə, 200-dən çox tələbənin iştirak etdiyi təcrübə zamanı elm adamları onların yuxularının həcmi, stress səviyyələri, yuxu keyfiyyəti və diş sağlamlığı ilə bağlı məlumat toplayıblar. Məlum olub ki, insanların təxminən 40 faizi ən azı bir dəfə yuxuda dişlərinin tökülməsini görüb, 8,2 faizi isə bununla müntəzəm qarşılaşıb.

Tədqiqatçılar vurğulayıblar ki, dişlərin itirilməsi ilə bağlı yuxular əvvəllər düşünüldüyü kimi psixoloji gərginliklə əlaqəli deyil və yuxuların real həyat təcrübələrini birbaşa əks etdirdiyini bildirən davamlılıq hipotezini əks etdirmir.

Tədqiqatın əsas tapıntısı odur ki, dişlərin tökülməsi ilə bağlı yuxular yuxu zamanı insanın fərqinə varmadığı dişlərin üyüdülməsi kimi fiziki hisslər nəticəsində yarana bilər.

Bu proseslərdə yuxu fiziologiyası mühüm rol oynayır. Alimlər qeyd ediblər ki, oyanış zamanı dişlərin qıcıqlanması belə yuxuların tezliyi ilə əlaqələndirilir ki, bu da fiziki vəziyyətlə yuxunun məzmunu arasında əlaqəni təsdiqləyir. Yuxu zamanı beynimiz iki əsas vəziyyətdə olur - sürətli və yavaş yuxu.

Tədqiqatlar göstərir ki, bu fazalardakı beyin fəaliyyəti nə xəyal edəcəyimizi proqnozlaşdıra bilər. Beyin dalğaları aşağı tezlikdə olduqda, insan fiziki hisslərlə əlaqəli olanlar da daxil olmaqla daha tez-tez yuxu görür.

Beləliklə, tədqiqat dişlərin itirilməsi ilə bağlı yuxuların neqativ hadisələri simvollaşdırmaqdan daha çox real fizioloji prosesləri əks etdirdiyini təsdiqləyir. Bu kəşf yuxuların təbiətini və onların bədən hissləri ilə əlaqəsini daha yaxşı anlamağa kömək edir.

Yuxu diş tökülməsi