NİVA-lar  bu tarixədək istehsal olunacaq
03 iyun 2023 19:54 (UTC +04:00)

NİVA-lar bu tarixədək istehsal olunacaq

AvtoVAZ-ın prezidenti Maksim Sokolov şirkətin 1977-ci ildən istehsal etdiyi klassik “Lada Niva”nın istehsalda 50 illik yubileyini qeyd edəcəyinə əminliyini ifadə edib.

Lent.az Rusiya KİV-ə istinadla bildirir ki, şirkət rəhbəri 3 avtomobil modelinin daha uzun illər istehsal ediləcəyini qeyd edib:

“Xoşbəxtlikdən, yerli inkişaflarımız, yerli platformalarımız, 90 faiz və ya daha çox yerliləşdirmə səviyyəsi ilə istehsal etdiyimiz modellərimiz var. Onların arasında Lada Granta və Lada Niva Classic var ki, məncə, onlar mütləq öz yarım əsrlik yubileyinə çatacaqlar”.

“Lada Niva”nın satışları artır və gələn il avtomobil müasir, daha güclü və yüksək torklu mühərrik alacaq, - AvtoVAZ rəhbəri əlavə edib.

Maksim Sokolov 2024-cü ilin əvvəlində Lada avtomobillərinə avtomatik transmissiyanın qaytarılacağını da açıqlayıb. O, etiraf edib ki, indiyədək əvvəlki avtomatik transmissiyaların dəyişdirilməsi uyğunlaşdırılmayıb.

# 10944
avatar

Oxşar yazılar