“iPhone 16” qeyri-adi dizaynda olacaq - FOTO

Sentyabr ayında “Apple” bir çox yeniliklərlə “iPhone 15” modelini təqdim edəcək.

Lent.az xəbər verir ki, “iPhone 15” təqdim olunmamış artıq “iPhone 16 Pro”nun konsepti müzakirə olunur.

Sızdırılan məlumata görə, bu “iPhone” modelinin səs rejimi açarı ("Ring / Silent") çoxfunksiyalı düyməyə çevriləcək. “Apple Watch Ultra”da artıq mümkün olduğu kimi, ona öz istəyi ilə hərəkəti idarə etmək mümkün olacaq. Məsələn, kamera və ya fənəri işə salmaq.

Şirkət 2007-ci ildə ilk versiyanın buraxılmasından sonra bütün “iPhone” modellərində səs rejimi keçidindən istifadə edib.

Bununla belə, “iPhone 16 Pro”nun əsas məqamı kamerasının yeni dizaynda olmasıdır.

Konsept dairəvi korpusda şaquli şəkildə quraşdırılmış iki cüt kameranı göstərir. “Apple” sonuncu dəfə “iPhone 12” ilə telefonlarının kamera quruluşunda böyük dəyişikliklər edib.