Belçika alimləri gözün torlu qişasının skan edilməsi sayəsində infarkt riskini proqnozlaşdıran süni intellekt sistemi hazırlayıblar.
Lent.az xarici KİV-ə istinadən bildirir ki, Leuven Universitetindən bir qrup tədqiqatçının apardığı araşdırmada ürək-damar xəstəliklərində gözün tor qişasındakı kapilyarların da təsirləndiyi və tor qişanın skan edilməsi ilə ürək-damar xəstəliklərinin təsirinin müəyyən qədər proqnozlaşdırıla biləcəyi müəyyən edilib.
Universitetdən verilən açıqlamada bunun üçün hazırlanan süni intellekt sistemi ilə xəstələrin növbəti ildə infarkt keçirmə riskinin olub-olmadığını təxmin etmək mümkün olduğu bildirilib.
Sistemin hazırlanmasında 5 min adamın gözünün tor qişası və ürəyi skan olunub.
Tədqiqatda istifadə olunan məlumatlar Böyük Britaniyanın “Biobank” biotibbi məlumat bazası tərəfindən təmin edilib.
Qeyd edək ki, ürək-damar xəstəlikləri dünyada ən erkən ölümə səbəb olan xəstəliklər sırasındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
