Dünyanın ən güclü telefonu AÇIQLANDI

Çin şirkəti “Infinix” “MWC 2024” sərgisinə yeni oyun üçün olan “GT Ultra” smartfonunu nümayiş etdirib.

Lent.az xəbər verir ki, yeni telefon qeyri-rəsmi də olsa bazarda ən güclü telefon hesab olunur. Belə ki, aparılan sınaqlarda o 2,2 milyondan çox xal toplayıb. Müqayisə üçün qeyd edək ki, “iPhone 15 Pro Max” oxşar testlərdə 1,64 milyon xal yığıb.

Cihaz WQHD+ təsvir ölçüsünə və 144 Hz tezliyə malik ekrana malikdir. Arxa paneldə rəng dəyişdirən və naxışlar yaratmağa imkan verən elektron mürəkkəb ekranı var.

Bununla belə, “GT Ultra”nın əsas xüsusiyyəti “CoolMax” aktiv soyutmadır. Smartfon prosessoru və əsas komponentləri soyudan, kənardan isti havanı çıxaran soyuducu alıb. Şirkətin məlumatına görə, bu sistem temperaturu 10 dərəcə azaltmağa kömək edir və çipsetin işini yaxşılaşdırır.

İkinci “wow” xüsusiyyəti çoxlu sarğı ilə maqnit rezonans texnologiyasına əsaslanan “Infinix AirCharge” uzaqdan simsiz şarjdır. O, smartfonunuzu 20 sm-ə qədər məsafədə və 60°-ə qədər bucaq altında doldurmağa imkan verir və 7,5 Vt-a qədər faktiki güc təmin edir.

İstehsalçı “GT Ultra”nın digər xüsusiyyətlərini açıqlamayıb. Yaxın həftələrdə tam təqdimat gözlənilir.

Bu arada, bazarda mövcud olan ən güclü smartfon “OPPO Find X7”dir.