“Ali təhsil müəssisələrinin və təhsil proqramlarının akkreditasiya Qaydalari”, “Ali təhsil müəssisələrinin fəaliyyətinin dövlət təhsil standartlarının tələblərinə uyğunluğunu müəyyənləşdirən akkreditasiya meyarları” və “Ali və orta ixtisas təhsili müəssisələrində yeni ixtisasların açılmasına dair Qaydalar”, həmçinin Akkreditasiya işinin təşkili ilə bağlı təlimat kitabçasının hazırlanması üzərində işlər yekunlaşmaq üzrədir.
Təhsil Nazirliyindən Lent.az-ın sorğusuna cavab olaraq bildirilib ki, yeni akkreditasiya qaydaları ilə bağlı normativ hüquqi bazanın təkmilləşməsi işləri davam etdirilir. Yeni sənədlərin işlənilməsi zamanı beynəlxalq təcrübə və qonşu ölkələrin bu istiqamətdəki fəaliyyəti yaxından öyrənilib. Finlandiya və Estoniyadan olan ali təhsilin keyfiyyət təminatı üzrə tanınmış ekspertlərlə birgə qeyd olunan sənədlərin təkmilləşdirilməsi istiqamətində davamlı müzakirələr keçirilib.
Bundan əlavə, cari ilin mart və aprel aylarında Tvinninq layihəsi çərçivəsində pilot layihə olaraq üç ali təhsil müəssisəsində Avropa ali təhsilin keyfiyyət təminatı üzrə standart və təlimatlarına uyğun hazırlanmış meyarlar əsasında qiymətləndirmənin həyata keçirilməsi istiqamətində xarici ekspertlərlə birgə işlər həyata keçirilir.
Fəaliyyət planına uyğun olaraq digər bir sıra sənədlərin təkmilləşdirilməsi istiqamətində də işlər aparılması planlaşdırılır. Bunlar “Orta ixtisas təhsil müəssisələri üçün Akkreditasiya Qaydaları və Standartları”, “İlk-peşə ixtisas təhsil müəssisələri üçün Akkreditasiya Qaydaları və Standartları”, “Ümumtəhsil müəssisələri üçün Akkreditasiya Qaydaları və Standartları”-dır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
