Ürək üçün ən təhlükəli peşələr müəyyən edildi

Amerika Kardioloji Assosiasiyasının beynəlxalq konfransında kardioloqlar insanları ürək xəstəliklərinə daha çox mübtəla edən peşələr haqqında danışıblar.

Lent.az-ın “azərtac”-a istinadən məlumatına görə, ürək xəstəlikləri nəticəsində xəstələrdə artıq çəki problemi yarana bilər. Mütəxəssislər 5 mindən çox adamın müxtəlif tibbi göstəricilərinin xüsusi təhlilini aparıblar. Onların yaş həddi 45-dən yuxarı olmayıb və əvvəllər ürək-damar sistemində problemlərdən şikayətlənməyiblər. Əldə edilmiş məlumata istinad edərək mütəxəssislər vahid rəylə bu nəticəyə gəliblər ki, ticarət sahəsində çalışan adamların orqanizmində xolesterinin səviyyəsi yüksəkdir. Rəyi soruşulanların 68 faizindən çoxu müxtəlif zərərli vərdişlərdən əziyyət çəkib.

Kardioloqlar hüquq-mühafizə orqanları və yanğınsöndürmə sistemində işin təhlükəli olduğunu açıqlayıb. Hətta yükvuran fəhlənin işi də, mütəxəssislərin fikrincə, təhlükəli peşədir.