TQDK-dan təhsil sənədi ala bilməyənlərə MÜRACİƏT

Tələbə Qəbulu üzrə Dövlət Komissiyası təhsil sənədi ala bilməyən əvvəlki illərin məzunlara müraciət edib. Qurumun mətbuat xidmətindən Lent.az-a verilən məlumata görə, ümumi orta və ya tam orta təhsil səviyyəsini əvvəlki illərdə başa vuran, lakin buraxılış imtahanında iştirak etməmiş və ya buraxılış imtahanında ən azı bir fəndən “2” almış məzunlar buraxılışdan əvvəlki və buraxılış ilinin illik qiymətlərinin “Şagird-məzun” sisteminə daxil edilməsi və təhsil sənədinin verilməsi üçün bitirdikləri ümumtəhsil müəssisələrinə və yaxud şəhər (rayon) təhsil şöbələrinə müraciət edə bilərlər.