Mayın 11-də saat 14:00-da “Təhsil” televiziyasının “Həftənin sualı” verilişi Təhsil Nazirliyinin “Youtube” kanalı və “Facebook” sosial şəbəkəsindəki səhifəsi üzərindən canlı olaraq yayımlanacaq. Verilişin qonağı Təhsil İşçilərinin Peşəkar İnkişafı İnstitutunun nəzdində İnsan Resursları Mərkəzinin müdir əvəzi Murad Camalzadə olacaq.
Nazirliyin mətbuat xidmətindən Lent.az-a verilən xəbərə görə, verilişdə may ayında keçiriləcək diaqnostik qiymətləndirmə, müəllimlərin işə qəbulu və yerdəyişməsi üzrə yeniliklər və digər bu kimi suallara aydınlıq gətiriləcək.
Göstərilən məsələlərlə əlaqədar sualları [email protected] elektron poçt ünvanına göndərmək olar. Mövzuya uyğun sualları canlı yayım zamanı şərhlər bölməsinə də yazmaq mümkündür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
