Sosial müdafiə fondunun büdcəsi təsdiq edildi

Azərbaycan prezidenti İlham Əliyev Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) 2018-ci il büdcəsi haqqında qanunu təsdiqləyib.

"APA-Economics" xəbər verir ki, DSMF-nin 2018-ci il büdcəsinin gəlir və xərcləri 3 mlrd. 578,76 mln. manat məbləğində təsdiq edilib.

2018-ci ildə DSMF-nin gəlirləri aşağıdakı daxilolmalar hesabına formalaşır:

	Gəlirlərin mənbələri	Məbləğ (manatla)
1.	Məcburi dövlət sosial sığorta haqları, cəmi o cümlədən:	2 273 260 000,0
1.1.	büdcədən maliyyələşən təşkilatlar üzrə	738 100 000,0
1.2.	büdcədən maliyyələşən təşkilatlarda işləyənlər üzrə	100 600 000,0
1.3.	büdcə təşkilatlarının büdcədənkənar vəsaitləri üzrə daxilolmalar	26 300 000,0
1.4.	digər sığortaedənlər, o cümlədən:	1 408 260 000,0
	sahibkarlıq fəaliyyəti ilə məşğul olan fiziki şəxslər üzrə	60 000 000,0
2.	Sair gəlirlər, cəmi o cümlədən:	5 500 000,0
	Sanatoriya-kurort yollayışlarının qismən dəyəri üzrə daxilolmalar	1 800 000,0
3.	Sosial təminatı və müdafiəni həyata keçirən müvafiq icra hakimiyyəti orqanının büdcəsinin balanslaşdırılması məqsədilə dövlət büdcəsinin öhdəliklərinin maliyyələşdirilməsi üçün dövlət büdcəsindən ayrılan vəsait	1 300 000 000,0

DSMF-nin 2018-ci il büdcəsinin xərcləri aşağıdakı istiqamətlərdə həyata keçirilir:

	Xərclərin istiqamətləri	Məbləğ (manatla)
1.	Əhaliyə ödənişlər üzrə xərclər	3 495 100 000,0
1.1.	əmək pensiyalarının ödənilməsi xərcləri	3 407 000 000,0
1.2.	məcburi dövlət sosial sığorta haqları hesabına müavinət xərcləri	88 100 000,0
1.2.1.	əmək qabiliyyətinin müvəqqəti itirilməsinə görə	23 300 000,0
1.2.2.	hamiləliyə və doğuşa görə	28 500 000,0
1.2.3.	uşağın anadan olmasına görə	7 200 000,0
1.2.4.	3 yaşına çatanadək uşaqlara qulluqla əlaqədar	13 400 000,0
1.2.5.	dəfn üçün	15 700 000,0
2.	Azərbaycan Həmkarlar İttifaqları Konfederasiyası xətti ilə sığortaolunanların sanatoriya-kurort müalicəsi və sağlamlaşdırma tədbirlərinin həyata keçirilməsi üzrə xərclər	20 000 000,0
2.1.	sanatoriya-kurort müalicəsi və istirahət üçün yollayışların alınmasına	15 530 000,0
2.2.	sığortaolunanların uşaqlarının sağlamlıq düşərgələrində istirahətinin təşkilinə	340 000,0
2.3.	sanatoriya-profilaktoriyalara yemək xərcləri, tibb xidməti və ştatların saxlanılmasına	210 000,0
2.4.	Azərbaycan Həmkarlar İttifaqları Konfederasiyasının idman cəmiyyətlərinə məxsus idman qurğularının qismən saxlanılmasına (işçilərin əməkhaqqının ödənilməsi)	2 600 000,0
2.5.	Həmkarlar İttifaqlarının texniki və əməyin hüquqi müfəttişliyinin, etimadlı həkimlərin, sağlamlaşdırma işi ilə məşğul olan təlimatçıların saxlanılmasına	1 320 000,0
3.	Pensiya və müavinətlərin əhaliyə çatdırılması, bank əməliyyatlarının aparılması üzrə xidmət haqqı xərcləri	20 500 000,0
4.	Müvafiq icra hakimiyyəti orqanının aparatının və onun yerli orqanlarının saxlanılması xərcləri	41 500 000,0
5.	Beynəlxalq təşkilatlara üzvlük haqlarının ödənilməsi xərcləri	60 000,0
5.1.	Beynəlxalq Sosial Təminat Assosiasiyasına üzvlük haqqının ödənilməsi xərcləri	30 000,0
5.2.	Pensiya və Sosial Fondların Beynəlxalq Assosiasiyasına üzvlük haqqının ödənilməsi xərcləri	30 000,0
6.	Azərbaycan Respublikası Hökuməti ilə Beynəlxalq İnkişaf Assosiasiyası arasında 2004-cü il 23 sentyabr tarixdə imzalanmış və Azərbaycan Respublikası Prezidentinin 2004-cü il 11 noyabr tarixli 518 nömrəli Sərəncamı ilə təsdiq edilmiş "İnkişaf üçün Kredit Sazişi"nə əsasən "Pensiya və sosial təminat" layihəsi üzrə kreditin qaytarılması xərcləri	1 600 000,0