Sabah hava yağıntılı olacaq

Ekologiya və Təbii Sərvətlər Nazirliyi Milli Hidrometeorologiya Departamenti ayın 8-ə olan hava məlumatını açıqlayıb. Lent. az-ın Ekologiya və Təbii Sərvətlər Nazirliyinin rəsmi saytına istinadən məlumatına görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən axşam və səhər bəzi yerlərdə yağış yağacağı ehtimalı var. Arabir güclənən şimal küləyi əsəcək. Havanın temperaturu gecə 10-15, gündüz 18-23 dərəcə isti olacaq.

Azərbaycanın rayonlarında şimşək çaxacağı, yağış yağacağı gözlənilir. Arabir güclənən qərb küləyi əsəcək.
Havanın temperaturunun gecə 10-15, gündüz 21-26, dağlarda gecə 7-12, gündüz 14-19 dərəcə isti olacağı gözlənilir.

Mayın 07-si günün ikinci yarısından mayın 10-dək Respublikanın rayonlarında temperatur rejiminin aşağı enəcəyi gözlənilir. Yağmurlu, bəzi rayonlarda küləkli hava şəraiti sünbüllənmiş payızlıq dənli bitkilərin yerə yatmasına, təzə formalaşan meyvələrin və üzümlüklərdə hamaşçiçəklərin yerə vurulmasına səbəb ola bilər. Eyni zamanda gözlənilən yağıntılar torpağın nəmliliyini artıracaq, həm tarla bitkilərində, həm də meyvə və üzüm bağlarında inkişafa müsbət təsir göstərəcək.