Sabah Bayraq Meydanındakı Azərbaycan bayrağı endiriləcək

Sabah Dövlət Bayrağı Meydanındakı Azərbaycan bayrağı endiriləcək. Bu barədə Lent.az-a Nazirlər Kabineti yanında Dövlət Bayrağı Meydanı Kompleksi İdarəsinin mətbuat xidmətinin rəhbəri Hüseyn Azəri məlumat verib. Onun sözlərinə görə, Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun məlumatına əsasən, sabah (19.07.2014) günorta saatlarından Bakıda küləyin güclənəcəyi ilə əlaqədar dövlət bayrağı hava sabitləşənədək endiriləcək.