Rezidentura imtahanı ilə bağlı Apelyasiya Komissiyası yaradılıb

Rezidentura səviyyəsinə qəbul imtahanının ikinci mərhələsi ilə (ixtisas fənləri üzrə) əlaqədar namizədlərin müraciətlərinə baxılması üçün Tələbə Qəbulu üzrə Dövlət Komissiyasında Apelyasiya Komissiyası yaradılıb.

TQDK-nın mətbuat xidmətindən Lent.az-a verilən məlumata görə, Apelyasiya Komissiyası Bakı şəhəri, Abdulvahab Salamzadə küçəsi, 28 ünvanında (Bakı Asiya Universitetinin binasında) fəaliyyət göstərəcək. Namizədlər Apelyasiya Komissiyasına 8-10 iyul 2015-ci il tarixlərində saat 10-dan 17-dək şəxsiyyəti təsdiq edən sənədin əslini təqdim etməklə şəxsən müraciət edə bilərlər.