İyun ayı ərzində Azərbaycanda 18 ilan sancma faktı qeydə alınıb.
Bunu Lent.az-a açıqlamasında Klinik Tibbi Mərkəzin Toksikologiya şöbəsinin müdiri, baş toksikoloq Azər Maqsudov bildirib.
Onun sözlərinə görə, zərərçəkənlərdən 13 nəfər xəstəxanaya yerləşdirilib, onlardan 2-si azyaşlı olub. Zərərçəkənlərə tibbi yardım göstərildikdən sonra evə buraxılıblar. İlan sancma halları əsasən Bakı ətrafı qəsəbələrdə - Zirə, Güzdək, Maştağa, Qaradağ və digər ərazilərdə baş verib.
A.Maqsudov qeyd edib ki, iyun ayında 3 nəfər əqrəb sancma, 1 nəfər isə qaraqurd sancması ilə bağlı şöbəyə müraciət edib.
İyul ayının 8-nə kimi isə 4 ilan sancma halı yaşanıb. Onlardan 1-i azyaşlı olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
