Nazir müavini texniki-yaradıcılıq məktəblərindən danışdı

Azərbaycanda fəaliyyət göstərən texniki-yaradıcılıq məktəblərində 15 minə qədər şagird təhsil alır. Lent. az-ın məlumatına görə, bunu təhsil nazirinin müavini Qulu Novruzov öz açıqlamasında bildirib. Deyib ki, şagirdlərin nəzəri biliklərdən başqa, intellektinin və yaradıcılıq bacarıqlarının aşkarlanması üçün bu cür dərnəklərin fəaliyyət göstərməsi məqsədəuyğundur. Onun sözlərinə görə, beynəlxalq təcrübə də onu göstərir ki, belə dərnəklərdə, yaradıcılıq mərkəzlərində təhsil alanlar sonrakı həyatlarında, peşə seçimlərində dəqiq, fundamental, texniki elmlərə xüsusi maraq göstərirlər. Şagirdlərin bu sahələrə marağının artmasında texniki-yaradıcılıq məktəbləri xüsusi rol oynayır.”