“Aprelin 15-nə qədər Azərbaycanın zəlzələ baş vermiş 3 rayonunda Qax, Balakən və Zaqatalada 3245 fərdi yaşayış evinin tikintisi başa çatdırılıb”.
APA-nın xəbərinə görə, bunu Zaqatalada fövqəladə hallar naziri, general-polkovnik Kəmaləddin Heydərov deyib. Nazirin sözlərinə görə, təhvil verilən evlərdən 292-si Qax, 203-ü Balakəndə, 2750-si Zaqataladadır.
K. Heydərov hazırda 1847 qəzalı evin tikintisinin davam etdirildiyini də açıqlayıb.
Nazir bu gün istifadəyə verilən məktəblərlə birlikdə 26 məktəb binasının və 1 uşaq bağçasının istifadəyə verildiyini də qeyd edib.
K. Heydərov deyib ki, qısa müddətdə Zaqatalada daha 8, Qaxda 1, Şəki şəhərində də 1 məktəb binasının tikilib istifadəyə veriləcək.
Nazir onu da bildirib ki, indiyə qədər əhaliyə 17 milyon 734 min manat yardım paylanılıb, bu vəsait əhaliyə poçt vasitəsilə ödənilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
