Milli Televiziya və Radio Şurasının (MTRŞ) sədri Nuşirəvan Məhərrəmov ilə Koreyanın Azərbaycandakı səfiri Kim Tonq-Op arasında görüş keçirilib.
Şuradan Lent.az-a verilən məlumata görə, N.Məhərrəmov Azərbaycanda televiziya və radio yayımı, Milli Televiziya və Radio Şurasının yaradılması, onun əsas funksiya və vəzifələri haqqında qonağa məlumat verib.
Səfir Koreyada bu sahədə olan vəziyyət barədə, həmçinin yayım tənzimləmə funksiyasını həyata keçirən Koreya Televiziya və Radio Yayım Komitəsi barədə danışıb.
Görüş zamanı Koreya film və seriallarının Azərbaycanda yayımlanması məsələsi, televiziya və radio yayımı sahəsində ikitərəfli əlaqələrin inkişaf etdirilməsi və digər əlaqəli məsələlər ətrafında geniş müzakirələr aparılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
