I sinfə qəbulla bağlı apellyasiya komissiyaları işə başlayıb

I sinfə elektron sənəd qəbulu ilə bağlı apellyasiya komissiyaları fəaliyyətə başlayıb.

Bakı Şəhəri üzrə Təhsil İdarəsinin mətbuat xidmətindən Lent.az-a verilən məlumata görə, İdarənin müdiri Məhəbbət Vəliyevanın əmrinə əsasən, uşaqların I sinfə elektron sənəd qəbulu ilə bağlı 6 təhsil müəssisəsində apellyasiya komissiyaları təşkil olunub.

Apellyasiya komissiyalarının yaradılmasının əsas məqsəd vətəndaşların müraciətlərinə obyektiv, tam və hərtərəfli baxılması, işçi qrupla vətəndaş arasında yaranmış mübahisələrin və fikir ayrılıqlarının tənzimlənməsi istiqamətində tədbirlər həyata keçirilməsi və təhsil haqqında qanunvericiliyə və digər normativ aktlara uyğun qərar qəbul olunmasını təmin etməkdir.

Qeyd edək ki, komissiyalar I mərhələdə 2016-cı il martın 1-dən iyunun 14–dək, II mərhələ iyunun 20-dən sentyabrın 20-dək (iyul ayı istisna olmaqla) fəaliyyət göstərəcək.

Rayon	Məktəb	Ünvan	Telefon	Gün	Saat
Binəqədi-Nəsimi rayonları üzrə	276	Naxçıvani küçəsi 38	562-78-65	Həftənin III və V günləri	10:00-16:00
Səbail-Yasamal rayonları üzrə	236	Badamdar qəsəbəsi, N. Paşayev küçəsi 4-6	502-82-78	Həftənin III və V günləri	10:00-16:00
Nizami-Nərimanov rayonları üzrə	129	İsmayılMəmmədov küçəsi 9	375-40-80	Həftənin III və V günləri	10:00-16:00
Qaradağ rayonu üzrə	166	Lökbatan qəsəbəsi, Nizami küçəsi 4	445-34-07	Həftənin III və V günləri	10:00-16:00
Xəzər, Pirallahı və Sabunçu rayonları üzrə	252	Bakıxanov qəsəbəsi, Gənclik küçəsi 31	428-42-19	Həftənin III və V günləri	10:00-16:00
Suraxanı-Xətai rayonları	95	Əhmədli qəsəbəsi, Q. Nəbi küçəsi 13	570-51-06	Həftənin III və V günləri	10:00-16:00