Gürcüstanın yeni idman və gənclərlə iş naziri Levan Kipiani bu gün Azərbaycana gəlib. Lent. az-ın məlumatına görə, səfərin əsas məqsədi iki ölkə arasında gənclərlə iş və idman sahələrində əməkdaşlığın genişləndirilməsi və gücləndirilməsi perspektivini müzakirə etməkdir.
Səfər çərçivəsində qonağın şəhərimizin idman infrastrukturu ilə və gənclərlə iş sahəsində bir sıra layihələrlə tanış edilməsi nəzərdə tutulur. Nazir Heydər Əliyevin məzarını və “Şəhidlər Xiyabını”nı ziyarət edəcək, Gənclər və İdman Nazirliyində və Azərbaycanın Tələbə Gənclər Təşkilatları İttifaqında görüşlər keçirəcək. Bundan başqa qonağın taekvondo idman mərkəzi ilə tanışlığı və “İdeya” kampaniyası çərçivəsində “yer kürəsi uşaqların gözü ilə” uşaqların beynəlxalq fotomüsabiqəsinin yekun tədbirində iştirakı nəzərdə tutulub.
Levan Kipianinin səfəri mayın 13-dək davam edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
