Gənclər və idman naziri Azad Rəhimov Mingəçevirdə vətəndaşlarla görüşüb. Lent. az-ın məlumatına görə, nazirin qəbulunda Mingəçevir, Ağdaş, Bərdə, Tərtər, Göyçay, Kürdəmir, Ucar, Zərdab, Yevlax və Ağsu rayon sakinləri iştirak ediblər. Ümumilikdə isə qəbula adı çəkilən rayon və şəhərlərdən 50-dək vətəndaş qatılıb.
Vətəndaşların müraciəti daha çox güzəştli ipoteka krediti almaq, idman bölmələrinin açılması, idman zalların və meydançaların tikintisi, mənzil şəraitinin yaxşılaşdırılması, güzəştli ipoteka krediti, bəzi kəndlərdə futbol meydançasının inşası, və s. məsələlərlə bağlı olub. Qəbuldan sonra nazir Azad Rəhimov Mingəçevir, Ağdaş, Bərdə, Tərtər, Goyçay, Kürdəmir, Ucar, Zərdab, Yevlax və Ağsu rayonlarının gənclər və idman idarələrinin rəisləri ilə də görüşərək onlara tapşırıqlar verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
