Özünü yandıran Qarabağ qazisi Zaur Həsənov dəfn edildi - YENİLƏNİB

Dünən axşam dünyasını dəyişən Qarabağ müharibəsi əlili Zaur Həsənov torpağa tapşırılıb. Lent.az-ın məlumatına görə, mərhum Bibiheybət qəbiristanlığında dəfn edilib.

***

13.51

Zaur Həsənovun cənazəsi Bibiheybət qəbiristanlığına aparılır

Dünən gecə vəfat edən Qarabaq qazisi Zaur Həsənovun cənazəsi artıq Lökbatan qəsəbəsində yerləşən evindən qaldırılıb və dəfn olunmaq üçün Bibiheybət qəbiristanlığına aparılır. Zaur Həsənov "Qarabağ, Qarabağ", "Şəhidlər ölməz, Vətən bölünməz!" şüarları ilə son mənzilə yola salınır. Mərasimdə 2000-dək insan iştirak edir.

13:10

Dünən gecə vəfat edən Qarabağ qazisi Zaur Həsənovun dəfninə hazırlıq gedir. Lent.az-ın məlumatına görə, hazırda Zaur Həsənovun ailəsinin yaşadığı binanın qarşısında 200-dək adam var. Qohumları, döyüşçü dostları onunla son vidaya gəlib.

Qarabağ Qazilər Birliyinin sədr müavini Firudin Məmmədov Lent.az-a açıqlamasında bildirib ki, Z. Həsənovun cənazəsi saat 14.00-da Bibiheybət qəbiristanlığına aparılacaq. Orada cənazə namazı qılınacaq.

F. Məmmədov sosial şəbəkələrdə Qarabağ qazilərinin aksiya keçirməsi barədə yayılan məlumatlara da münasibət bildirib: “Aksiyadan xəbərimiz yoxdur. Bəlkə də üzvlərimizdən kimsə ora gedəcək. Amma biz yasımızı yola veririk. Başımız hüzrə qarışıqdı”.