Mayın 7-də Astara rayonunun ucqar dağlıq ərazisində yerləşən Motlayataq kəndində yeni tikilmiş məktəb binası istifadəyə verilib. APA-nın cənub bürosunun məlumatına görə, 220 şagird yerlik ikimərtəbəli təhsil ocağının açılış mərasimində çıxış edən rayon İcra hakimiyyətinin başçısı Qəzənfər Ağayev kənd sakinlərini, məktəbin kollektivini əlamətdar hadisə münasibətilə təbrik edib. İcra başçısı əhalinin rahatlığının təmin edilməsindən ötrü bundan sonra da hər cür köməklik göstəriləcəyini bildirib.
Daha sonra yeni tədris binasının açılış lenti kəsilib və tədbir iştirakçıları burada yaradılmış şəraitlə tanış olub.
Qeyd edək ki, 14 sinif otağından ibarət məktəbdə idman zalı, kitabxana, kimya, fizika və laboratoriya otaqları qurulub. Burada şagirdlərin təlim-tədrisi ilə 23 müəllim məşğul olur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
