Azərbaycan Milli Platforması Avronestə bəyanat ünvanladı

Avronest Parlament Assambleyasının 27-28 mayda Belçikanın paytaxtı Brüsseldə keçiriləcək plenar iclasının gündəliyinə tanınmayan, konfliktli ərazilərin QHT və fəallarının Şərq Tərəfdaşlığı Vətəndaş Cəmiyyəti Forumunda iştirakları ilə bağlı məsələnin salınmasını Avropa İttifaqının Şərq Tərəfdaşlığı Vətəndaş Cəmiyyətləri Forumunda

Azərbaycan Milli Platforması (AMP) narahatlıqla qarşılayıb. Lent.az-ın məlumatına görə, bu barədə AMP-nin Avronest Parlament Assambleyasına ünvanladığı bəyanatında bildirilir.

AMP Avropa İttifaqının Şərq Tərəfdaşlığı Vətəndaş Cəmiyyəti Forumu İdarə Heyətinin aprelin 4-5-də İrəvanda keçirilmiş toplantısında “Şərq Tərəfdaşlığı – regionları ilə bağlı təklifini müzakirə edib və bununla bağlı münasibətini elə həmin ay Avropa İttifaqının Şərq Tərəfdaşlığı Vətəndaş Cəmiyyətləri Forumu İdarə Heyətinə ünvanladığı müraciətdə əks etdirib. AMP bir daha fikrində qalaraq bəyan edir ki, Azərbaycanın işğal altında olan ərazilərindəki erməni icmasının Şərq Tərəfdaşlığı Vətəndaş Cəmiyyəti Forumuna müraciətləri yalnız Azərbaycan nümayəndə heyətinin tərkibində baxıla bilər. Bunun üçün isə öncə həlledici addımların atılması zəruridir. Yəni, Azərbaycanın işğal altında olan əraziləri Ermənistan tərəfindən azad olunmalı, bölgədə sülh təmin olunmalı və Azərbaycan vətəndaşları olan hər iki icma (erməni və Azərbaycan icmalarının) nümayəndələrinin Dağlıq Qarabağda bərabər hüquqlu şəraitdə yaşayışı təmin olunmalı, hər iki icma arasında sivil əməkdaşlıq münasibətlərinin formalaşması üçün zəmin yaranmalıdır. Bu zəruri addımlar atıldıqdan sonra Azərbaycanın erməni əsilli vətəndaşlarının təmsilçiləri Azərbaycan Konstitusiyasında təsbit olunmuş hüquqlar çərçivəsində qanuni fəaliyyət göstərə və Şərq Tərəfdaşlığı Vətəndaş Cəmiyyəti Forumunda AMP kimi seçimlərə qatıla və iştirak edə bilərlər.

Bəyanatda daha sonra bildirilir: “Nəzərə alsaq ki, Şərq Tərəfdaşlığının fəlsəfəsi və hüquqi prinsipi məhz tanınan ərazilər və ölkələrlə əməkdaşlıqdır, o halda bu təklifin Avronestin plenar iclasının gündəliyinə salınması qurumun soykəndiyi hüquqi prinsipləri kobud şəkildə pozur. Diqqətinizə bir daha çatdırırıq ki, bu gün Dağlıq Qarabağ dünya tərəfindən Azərbaycanın işğal altında olan ərazisi kimi tanınırsa və həmin ərazilərdə formalaşmış qondarma qurumun legitimliyi heç bir dövlət və beynəlxalq qurumlar tərəfindən tanınmırsa, o halda həmin ərazilərdə formalaşmış QHT-lərin də nə statusu, nə də fəaliyyəti qanuni hesab oluna bilməz. Legitim hesab olunmayan vətəndaş

cəmiyyəti isə Şərq Tərəfdaşlığı Vətəndaş Cəmiyyəti Forumunda təmsil oluna bilməz”.