Poqbanın diskvalifikasiyadan sonra karyerasını harada davam etdirmək istədiyi məlum olub.
Lent.az xarici mediaya istinadla bildirir ki, antidopinq qaydalarını pozduğu üçün cəzalı olan fransalı yarımmüdafiəçi Poqba karyerasını “Marsel”də davam etdirmək istəyir.
Bundan əvvəl İdman Arbitraj Məhkəməsi antidopinq qaydalarını pozduğuna görə Poqbanın diskvalifikasiya müddətini 4 ildən bir il yarıma endirib. O, 2025-ci ilin yanvarında məşqləri bərpa edə biləcək. Noyabrın 15-də "Yuventus" rəsmi saytında Poqba ilə müqaviləyə xitam verdiyini açıqlayıb.
Klub özü bildirir ki, hazırda Poqba ilə müqavilə imzalamaq komandanın əsas məqsədi deyil.
Poqbanın 31 yaşı var. 2023/24 mövsümündə A Seriyasında iki oyun keçirməyi bacarıb. Fransız yarımmüdafiəçi 2022-ci ilin yayında "Yuventus"a qayıdıb. Poqba daha əvvəl 2012-2016-cı illərdə Turin klubunda çıxış edib və "byankoneri" ilə 4 dəfə İtaliya çempionu olub. Poqba Fransa millisi ilə 2018-ci ildə dünya çempionudur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
