“Reyncers”, “Milan” və “Sion”un keçmiş futbolçusu, hazırda isə Xorvatiya “Hayduk” klubunun baş məşqçisi Cennaro Qattuzo 22 ildən sonra ilk dəfə saqqalını qırxdırıb.
Lent.az xarici mediaya istinadla xəbər verir ki, italyan mütəxəssis bunu "Saqqal auksionu" adlanan tədbirdə iştirak edərək xeyriyyə məqsədi ilə edib. Tədbirdə məşhurlar kişilərin sağlamlığı ilə məşğul olan təşkilatlara ianə müqabilində saqqal və bığlarını qırxacaqlarına söz veriblər.
Qattuzo 2013-cü ildən məşqçilik edir. 12 ildən az müddətdə italyan “Palermo”, “Piza”, “Milan”, “Napoli”, “Valensiya” və “Marsel”də məşqçilik edib. Cennaro 2024-cü ildə "Hayduk"un başına keçib. Məşqçi kimi Qattuzo 2019/2020 mövsümündə "Napoli" ilə İtaliya kubokunu qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
