AMEA prezidenti Azərbaycan Mühəndislik Akademiyasının həqiqi üzvü oldu
07 aprel 2014 10:42 (UTC +04:00)

AMEA prezidenti Azərbaycan Mühəndislik Akademiyasının həqiqi üzvü oldu

Azərbaycan Milli Elmlər Akademiyasının (AMEA) prezidenti, akademik Akif Əlizadə Azərbaycan Mühəndislik Akademiyasının (AMA) həqiqi üzvü seçilib. AMEA Rəyasət  Heyəti Mərkəzi Aparatının İctimaiyyətlə əlaqələr şöbəsindən Lent.az-a verilən məlumata görə, bu barədə qərar AMA-nın Rəyasət Heyətinin iclasında qəbul olunub, AMA-nın prezidenti, akademik Arif Paşayev tərəfindən rəsmi diplom imzalanıb.

Akademik A.Əlizadə bu ada geologiya sahəsində mühüm nəzəri və tətbiqi elmi nəticələri, həmçinin uğurlu elmi-təşkilati fəaliyyətinə görə layiq görülüb.

Qeyd edək ki, 2005-ci ildə fəaliyyətə başlamış AMA hazırda Milli Aviasiya Akademiyasında yerləşir, texniki elmlər sahəsində fəaliyyət göstərir və peşəkar alimləri özündə cəmləşdirir.

# 399
avatar

Ləman Mustafaqızı

Oxşar yazılar