Avropa Oyunlarında xidmət göstərən polislər təltif olundu

Bakı şəhər Dövlət Yol Polisi İdarəsi, "Jurnalistika və İnkişaf Mərkəzi" İctimai Birliyi və "Digesta" hüquq firması Beynəlxalq mətbuat mərkəzində "Yol polisi" mövzusunda tədbir keçirilib. Lent.az-ın məlumatına görə, tədbirdə millət vəkilləri, ictimaiyyət nümayəndələri, DYP əməkdaşları iştirak edib.

Çıxış edənlər yol polisi-sürücü münasibətləri ilə bağlı fikirlərini açıqlayıb, çatışmazlıqları qeyd edərək qanunvericiliklə bağlı müxtəlif fikirlər səsləndiriblər. Tədbirdə Avropa Oyunlarında nümunəvi xidmət göstərmiş DYP-nin 19 əməkdaşı, 1 taqımı, habelə Bakının rayon Dövlət Yol Polisi şöbələrinin 11 əməkdaşı təsis edilən diplomlarla və müxtəlif şirkətlərin verdiyi hədiyyələrlə təltif olunublar.

Tədbirdə çıxış edən "Jurnalistika və İnkişaf Mərkəzi" İB-nin sədri Elməddin Muradlı bildirib ki, layihə 4 ay ərzində həyata keçirilib. Layihənin əsas məqsədi ölkəmizdə yol hərəkəti mədəniyyətinin yüksəldilməsi, yol hərəkəti iştirakçıların arasında nizam-intizamın artırılması naminə DYP əməkdaşları ilə sürücülər və digər hərəkət iştirakçıları arasında qarşılıqlı inam və etimadın gücləndirilməsi olub.

Yol polisi əməkdaşlarının mükafatlandırılmasının sırf Avropa Oyunları və 2 iyul Polis günü münasibəti həyata keçirildiyini deyən E. Muradlı deyib ki, həqiqətən də DYP əməkdaşları ilk Avropa Oyunlar ərəfəsində müstəsna xidmətlər göstərib. "Elə ona görə də biz 31 diplom hazırlayıb onların əməyini qiymətləndirdik. İnanıram ki, bu əməkdaşlar da gələcəkdə öz işlərində daha yüksək nəticələr göstərəcək".

Təşkilat sədri bildirib ki, DYP əməkdaşları ilə görüşlərin təşkili ilə bağlı daxili işlər naziri, general-polkovnik Ramil Usubova edilən müraciət də müsbət cavab verilib və görüşlərə start verilib. Bundan əlavə, Avropa Oyunları ərəfəsində Azərbaycan - ingilis dili lüğəti hazırlanaraq DYP əməkdaşlarına pulsuz paylanılıb.

Təltif olunan DYP əməkdaşları:

1. Zahidov Tələt Məhəmməd oğlu - baş leytenant

2. İsayev Ələmşah Baxşalı oğlu - baş serjant

3. Məmmədov Zaur Bayundur oğlu - serjant

4. Abbaslı Fərid Oqtay oğlu - baş serjant

5. Hüseynov Ramil Şamil oğlu - serjant

6. Səlimov Mehdi Kərim oğlu - baş leytenant

7. Ağamalıyev Namiq İmran oğlu - serjant

8. Kərimov Asim Oktay oğlu-baş leytenant

9. Həsənzadə Xatir Həsən oğlu - serjant

10. Məmmədov Firuz Yaqub - baş serjant

11. Manafov Malik Seyidağa - baş leytenant