Şəhid Məlik Zülfüqarovun anası ona ayrılan birdəfəlik yardımı Silahlı Qüvvələrə Yardım Fonduna köçürüb.
Lent.az-ın məlumatına görə, Kürdəmir rayonu, Karrar qəsəbə sakini M.Zülfüqarov İkinci Qarabağ müharibəsində Füzulinin azad olunması istiqamətində gedən döyüşlərdə şəhid olub.
Şəhidimizin anası Yeganə Ədilova 10 min manat məbləğində birdəfəlik yardımın Vətənimizin keşiyində duran əsgər və zabitlərə xərclənməsini daha düzgün hesab edərək, şəhid ailələrinə göstərilən diqqət və qayğı üçün dövlət başçısına da təşəkkür edib.
Evin tək oğlu olan Məlik Vətən müharibəsinin ilk günlərindən ön cəbhədə döyüşüb. Torpaqlarımızı azad etmək uğrunda qəhrəmanlıqla şəhid olub.
19 yaşlı şəhidimiz oktyabrın 21-də doğulduğu qəsəbədə torpağa tapşırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
edsdsds.jpg)
