Bu gün Azərbaycanda Od çərşənbəsi qeyd olunur.
Lent.az xəbər verir ki, ilin axır çərşənbələrindən ikincisi xalq arasında Üskü çərşənbə, Adlı çərşənbə kimi tanınan Od çərşənbədir.
Adət-ənənəyə görə, bu gün tonqal qalayıb, alovun üzərindən atlanmaqla daxildəki bütün çirkabı və azar-bezarı yandırırlar.
Bu çərşənbə də paytaxt Bakının əksər yerlərində çərşənbə coşqu ilə qarşılanıb.
Qeyd edək ki, novruzun ilk xəbərçisi su çərşənbəsi fevralın 22-də qeyd olunub.
Martın 8-i yel, 15-i isə torpaq çərşənbəsi qeyd olunacaq.