Azərbaycanda koronavirusun hansı ştammına yoluxurlar? - CAVAB

Lent.az-ın “Bir sual bir cavab” rubrikasında növbəti mövzu Azərbaycanda insanların koronavirusun hansı ştammına yoluxması ilə bağlıdır.

Son günlər dünyada koronavirus xəstəliyinə yoluxma hallarında artım müşahidə edilir. Azərbaycanda yoluxma sayının kəskin azalması səbəbindən pandemiyanın başa çatdığı zənn edilsə də, təəssüflər olsun ki, COVID təhlükəsi yenidən bütün ölkələri narahat etməyə başlayıb.

Maraqlıdır, Azərbaycanda əsasən koronavirusun hansı ştammına yoluxurlar?

Məsələ ilə bağlı Səhiyyə Nazirliyinin mütəxəssis-eksperti, infeksionist Təyyar Eyvazov Lent.az-a açıqlamasında bildirib ki, hazırda koronavirusla bağlı epidemioloji durum kifayət qədər stabildir:

Təyyar Eyvazov

“Yeni yoluxmaların sayı statistik minimaldır. Hazırda bu virus koronavirusun omikron ştammıdır. Aktiv xəstə sayı xeyli azalıb və bu hal davam edir".

Koronavirusla əlaqədar insanlarda əvvəlki dövrlərdə olan psixoloji gərginlik artıq hiss olunmayacaq səviyyədədir. Bütün bunlar bizə əsas verir ki, bu infeksiyanın mövsümi respirator infeksiyaya çevrilməsi prosesinin getdiyini qeyd edək.Yeni, mutasiya olunaraq daha sürətli yayılan bir ştamm əmələ gəlməzsə, bu vəziyyət qənaətbəxş olaraq davam edəcək. Yoluxmaların artıb-azalması bu pandemik prosesin təbii gedişi ilə əlaqədardır”.