"Adviad" platforması “Start Venture” proqramının qaliblərindən biri oldu ®  -FOTO
03 oktyabr 2022 11:17 (UTC +04:00)

"Adviad" platforması “Start Venture” proqramının qaliblərindən biri oldu ® -FOTO

Azərbaycana səfəri çərçivəsində Avropa Yenidənqurma və İnkişaf Bankının (AYİB) prezidenti Odil Reno-Basso ölkənin siyasi rəhbərliyi, diplomatlar, işgüzar dairələrin nümayəndələri və tərəfdaşlarla, həmçinin AYİB-in “Star Venture” proqramının qalibi olmuş Azərbaycanın “Adviad”, “Push30” və “Recepta” startaplarının rəhbərləri ilə görüşüb.

“Star Venture” proqramının məqsədi perspektivli startapların potensialının icrasına dəstək verməkdir. Proqram ilk dəfə olaraq 2022-ci ildə Azərbaycanda, həmçinin Şərq Tərəfdaşlığına daxil olan 4 ölkədə həyata keçirilib.

Odil Reno-Basso Proqramda iştirak etmək üçün müraciət etmiş 190-dan çox iddiaçı

arasından seçilmələri münasibətilə Rasim Davudovu (Adviad), Adil Qasımovu (Push30) və Rauf Heydərlini (Recepta) təbrik edib, rəhbərlik etdikləri şirkətlərin yeniliklərə, davamlılığa və mükəmməlliyə sadiqliyini yüksək qiymətləndirib və onları sertifikatlarla təltif edib. Bankın prezidenti vurğulayıb ki, genişlənmə bacarığı və beynəlmiləlləşmə potensialı startapların seçilməsində əsas meyarlar olub.

“Adviad” – cəmi bir neçə kliklə on müxtəlif platformada eyni vaxtda reklam yerləşdirməyə imkan verən çoxkanallı reklam platformasıdır.

“Recepta” - hər bir alışda bütün kart əməliyyatları üçün rəqəmsal qəbzlərin yaradılması və yığılmasını avtomatlaşdıran, kağız qəbzlərə ehtiyacı aradan qaldıran rəqəmsal qəbz idarəetmə tətbiqidir.

“Push30” - korporativ idman imtiyazları, güzəştləri və endirimləri təklif edən platformadır. Platforma öz üzvlərinə paytaxtda və ölkənin bir neçə şəhərində fəaliyyət göstərən 70-dən çox fitness mərkəzinə limitsiz giriş imkanı yaradır.

Xatırladaq ki, yüksək potensiala malik startaplar “Star Venture” proqramı çərçivəsində 50 min avro dəyərində fərdi məsləhət və mentorluq, maliyyə və qlobal şəbəkələrə çıxış, eləcə də biznesin genişləndirilməsi imkanlarından yararlana biləcək.

Bildirək ki, “Star Venture” proqramı perspektivli startapların, akseleratorların və məsləhətçilərin öz potensiallarını üzə çıxarmasına yönəlmiş AYİB-in aparıcı proqramlarından biridir.

AYİB-in "Star Venture" proqramı Azərbaycanda Avropa İttifaqı tərəfindən dəstəklənir.

 

 

 

 

# 825
avatar

Oxşar yazılar

Sahibkarlarla növbəti görüş Zaqatala rayonunda keçiriləcək

Sahibkarlarla növbəti görüş Zaqatala rayonunda keçiriləcək

4 dekabr 2022 , 17:10
Azərbaycanda son sutkada koronavirusa YOLUXMA

Azərbaycanda son sutkada koronavirusa YOLUXMA

4 dekabr 2022 , 16:42
Sabah hava belə olacaq - PROQNOZ

Sabah hava belə olacaq - PROQNOZ

4 dekabr 2022 , 12:37
Baş Dövlət Yol Polisi İdarəsi

Sürücülərə XƏBƏRDARLIQ

4 dekabr 2022 , 11:40
Bu rayonlara qar yağdı-FOTO

Bu rayonlara qar yağdı-FOTO

4 dekabr 2022 , 10:45
Nazirlik Xocalıda:  araşdırmalar BAŞLAYIR - VİDEO  - YENİLƏNİB

Nazirlik Xocalıda: araşdırmalar BAŞLAYIR - VİDEO - YENİLƏNİB

3 dekabr 2022 , 19:18
“Azəriqaz” abonentləri təhlükəsizlik qaydalarına riayət etməyə çağırır - VİDEO

“Azəriqaz” abonentləri təhlükəsizlik qaydalarına riayət etməyə çağırır - VİDEO

3 dekabr 2022 , 16:25
Beyləqanda 4 nəfəri öldürəni neçə il CƏZA GÖZLƏYİR?

Beyləqanda 4 nəfəri öldürəni neçə il CƏZA GÖZLƏYİR?

3 dekabr 2022 , 15:16