Azərbaycanda ən soyuq aprel ayı nə vaxt olub? - AÇIQLAMA

Temperaturun dəyişməsi, bəzi günlərdə daha çox aşağı düşməsi aprel ayı üçün xarakterikdirmi? Son illərin ən soyuq aprel ayı nə zaman müşahidə olunub?

Ekologiya və Təbii Sərvətlər Nazirliyinin Milli Hidrometeorologiya Departamentinin baş hidroloqu Asif Verdiyev mövzu ilə bağlı Lent.az-a açıqlama verib.

Havanın temperaturunda yaxın iki gün ərzində ciddi dəyişiklik gözlənilmədiyini deyən baş hidroloq hazırda Bakıda və Abşeron yarımadasında müşahidə olunan temperaturun iqlim normasından iki dərəcə yüksək olduğunu deyib: "Aprelin 30-da Bakıda əsasən dəyişkən buludlu və yağmursuz hava şəraiti müşahidə olunacaq. Lakin ayın 30-da gündüz bəzi dağlıq ərazilərdə arabir yağış yağacağı gözlənilir. Şimşək çaxacağı, dolu düşəcəyi ehtimalı var.

Aprel ayının əvvəlki illərlə müqayisəsinə gəlincə, ən soyuq aprel ayı Bakıda 2009-cu ildə müşahidə olunub. Eyni zamanda, ayrı-ayrı illərdə belə küləkli hava şəraiti də müşahidə olunub. Bölgələrin dağlıq ərazilərində son günlər yağan qarı götürsək, əvvəlki illərdə də belə qar yağması müşahidə olunub. Xüsusilə, 2019-cu ilin aprel ayında belə analoji vəziyyət yaranmışdı.Yəni ayrı-ayrı illərdə belə aprel ayı müşahidə olunub".