Azərbaycanda neftçilərin orta aylıq pensiya məbləği açıqlandı

Dövlət Sosial Müdafiə Fondunun İctimaiyyətlə əlaqələr sektorundan Lent.az-a verilən məlumata görə, neft sənayesində çalışmış pensiyaçıların sayı 25 min nəfərə yaxındır. Qeyd edək ki, 2001-ci ildə Heydər Əliyevin sərəncamı ilə 20 sentyabr “Neftçilər günü” elan edilib və bu tarix Azərbaycanda “Neftçilər günü” kimi qeyd olunur. Neft sənayesinin ağır əmək şəraiti olan sahələrində çalışanlar 6 il tez pensiyaya çıxmaq hüququ qazanırlar.

ARDNŞ ölkəmizdə qurulmuş yeni sığorta-pensiya sisteminin ən fəal iştirakçısıdır. Şirkət həm fərdi uçot sistemində qeydiyyatda olan sığorta olunanların sayına, həm də məcburi dövlət sosial sığorta haqqının ödənişinə görə sığorta edənlər arasında ən böyük xüsusi çəkiyə malikdir. Bu ilin 8 ayı ərzində ARDNŞ tərəfindən DSMF-ə neft sahəsində çalışan sığorta olunanlar üzrə ümumilikdə 75,4 milyon manat məcburi dövlət sosial sığorta haqqı ödənilib.