Beynəlxalq Sahilyanı Təmizlik Aksiyasına start verildi

Beynəlxalq Sahilyanı Təmizlik Aksiyasının 26-cı ildönümü ilə əlaqədar 17 sentyabr 2011-ci il tarixində Ekologiya və Təbii Sərvətlər Nazirliyinin əməkdaşları ilə yanaşı, yerli icra strukturlarının, QHT-in, bələdiyyələrin və digər özəl təşkilatların 200 nəfərə yaxın nümayəndəsinin iştirakı ilə Qaradağ rayonunun Şıxlar bağ massivi ərazisində iməcilik keçirib.

Lent.az-ın nazirliyin rəsmi saytına istinadən verdiyi məlumata görə, 35 hektar ərazi 12 m3-ə qədər məişət tullantısından təmizlənib.
Məlumata görə, keçirilən tədbirin məqsədi insanların ətraf mühitin mühafizəsinə münasibətini dəyişmək, ictimaiyyətin diqqətini ekoloji problemlərin həllinə yönəltmək, əhalinin bu sahədə şüur və təfəkkürünü inkişaf etdirməklə təbiəti qorumağın mümkünlüyünü diqqətə çatdırmaq olub.

Xatırladaq ki, Beynəlxalq Sahilyanı Təmizlik aksiyası çimərliklərin, daxili suların, okeanın zibil və tullantılardan təmizlənilməsi məqsədilə hər il həyata keçirilir.